„Олд Трафорд“ ќе „крца“: Продадени се сите 74.300 билети за мечот Англија – Македонија

Натпреварот меѓу Англија и Македонија на легендарниот „Олд Трафорд“ ќе се игра пред 74.300 гледачи. Стадионот е распродаден два дена пред почетокот на дуелот.

Фудбалската асоцијација на Англија објави дека се продадени сите билети за натпреварот Англија – Македонија од квалификациите за ЕВРО 2024.

Англичаните секогаш имаат верна поддршка на натпреварите, а стартуваа одлично во квалификациите за ЕВРО 2024 во нашата група.