Францускиот ас Килијан Мбапе е повреден и неговиот настап на реванш натпреварот од осминафиналето во Лигата на шампионите против Реал Мадрид е сериозно доведен во прашање. Напаѓачот не настапи за ПСЖ против Ница во француското првенство поради жолти картони, но очигледно дека има проблеми и со повреда.
Оваа информација е уште поинтересна ако се знае дека Килијан Мбапе е во завршни преговори со Реал Мадрид за да направи трансфер во „кралскиот клуб“ по завршувањето на сезоната како слободен агент.
Токму Мбапе беше стрелец на голот за триумф на ПСЖ од 1-0 на првиот меч против Реал Мадрид на „Паркот на принцовите“. Реваншот е закажан за в среда на „Сантијаго Бернабеу“.
