Синоќа заврши четвртфиналната фаза во Лигата на шампионите и сега се познати четирите клуба кои ќе се борат за место во големото финале, закажано за 31 мај на стадионот „Алијанц Арена“ во Минхен. Полуфиналните двојки се: Барселона – Интер и Арсенал – Пари Сен Жермен.
Според најновите коефициенти и анализи од водечки британски обложувалници и аналитички модели, најголем фаворит за освојување на титулата е Барселона.
Коефициенти за освојување на Лигата на шампионите:
- Барселона: 2.00
- ПСЖ: 2.25
- Арсенал: 3.30
- Интер: 6.00
Според аналитичките модели на Opta, Oddschecker и Sports Betting Dime, Барселона е прв фаворит, со веројатност за освојување на титулата од 27.4%, и коефициенти кои се движат меѓу 2.00 и 3.01.
ПСЖ е веднаш зад нив, со шанси од 25.7% и коефициенти од 2.25 до 3.34. Арсенал има нешто помали шанси (24.3%) со коефициенти меѓу 3.33 и 6.94, додека Интер е најголем аутсајдер, со шанси од 16.6% и коефициенти кои достигнуваат и до 10.06.
Полуфиналните натпревари ќе се одиграат на следниов распоред:
- Арсенал – ПСЖ: 29 април
- Барселона – Интер: 30 април
