На адреса на Барселона пристигна понуда од Њукасл за крилниот напаѓач Рафиња.
Еден ден откако Пари Сен Жермен го суспендираше Лионел Меси и информацијата дека Аргентинецот ја заврши епизодата во „градот на светлината“, Барселона доби понуда за Рафиња која може да достигне до 80 милиони евра.
Њукасл е сериозно заинтересиран за крилниот играч на Барселона и сака да го врати во Премиер – лигата.
Жоан Лапорта ќе се обиде да извлече што повеќе пари од Рафиња, но тој веројатно и нема да биде единствениот кој ќе го напушти клубот. Од „Камп Ноу“ најверојатно ќе заминат и Френк Кеси, Феран Торес, Ансу Фати…
Со приходите од нив, Лионел Меси треба многу полесно да се врати во Барселона.
