Еден од најдобрите фудбалери на Баерн Минхен, искусниот Томас Милер, кој игра одлична сезона, е позитивен на коронавирус, откри клубот. Шампионот на Германија додава дека фудбалерот се чувствува добро и е изолиран дома.
Досега во текот на сезоната, Томас Милер беше директен учесник во 32 гола (10 гола и 22 асистенции) за Баерн во 33 натпревари во сите натпреварувања.
Репрезентативецот на Германија вчера беше дел од победата од 4-1 над Гројтер Фурт во Бундес – лигата.
Засега не е познато колку натпревари ќе пропушти Томас Милер, а следните дуели на Баерн се против Ајнтрахт Франкфурт (26 февруари), Баер Леверкузен (5 март) и Салцбург (8 март).
