Фудбалерот на Реал Мадрид, Тони Крос, е последниот во низата од тимот на Карло Анчелоти чиј настап е неизвесен на мечот против Пари Сен Жермен. Германецот ќе биде во трка со времето и неизвесно е дали ќе успее да биде фит за пет дена.
Играчот за врска на „кралскиот клуб“ денеска не тренираше и сигурно ќе го пропушти дуелот против Реал Сосиедад во текот на викендот, а во овој момент не може прецизно да се каже дали ќе биде на теренот во вторник.
Карло Анчелоти поради суспензијата сигурно нема да може да смета на Кашемиро и на Ферлан Менди, додека во случајот со Давид Алаба се уште е неизвесно дали ќе биде максимално подготвен.
Реал Мадрид во вторник брка еден гол негатива од првиот меч во Париз. Без Кашемиро и без Крос на средината на теренот, шансите на Реал Мадрид би боиле значително намалени.
