Норвежанецот Ерлинг Халанд се врати во својот клуб Манчестер Сити откако лекарскиот тим на националната селекција процени дека тој поради повреда не е во моќност да настапи на натпреварите против Шпанија и против Грузија од новиот квалификациски циклус за ЕВРО 2024.
„Ерлинг тешко го прифати тоа што нема да биде со националниот тим. За среќа, во овој тим има уште многу самодоверба, талент и сплотеност, што ќе ни помогне да освоиме бодови“, изјави селекторот на Норвешка, Стале Солбакен.
Халанд игра во фантастична форма во дресот на Манчестер Сити и сигурно многу ќе им недостига на Норвежаните на претстојните два меча.
