Големо невреме го погоди Скопје на час и половина стартот на натпреварот меѓу Македонија и Белгија. Силниот дожд кој брзо премина во пороен град, проследен со засилен ветер, направи вистински хаос во околината на Арената „Тодор Проески“.
Во текот на бурата, теренот беше погоден од интензивни врнежи и крупни ледени зрна, поради што тревната површина буквално побеле. Сликата од стадионот изгледаше како среде зима, а условите за игра одеднаш станаа исклучително тешки, доведувајќи дури и до прашање дали мечот ќе може да започне во предвиденото време.
Сепак, сега временските услови се далеку подобри…
