Македонскиот репрезентативец Илија Несторовски беше на чекор до потпис со Тернана, но италијанските медиуми откриваат дека тој постигнал договор со Козенца.
Тој треба да потпише договор за една сезона, и веќе ја договорил и платата во износ од 200.000 евра, плус дополнителни бонуси.
Козенца сака да вметне и клаузула за автоматско продолжување на договорот за уште една година, доколку тимот ги исполни целите, а напаѓачот ја исполни очекуваната бројка на настапи и постигнати голови.
