Наташа Андонова заминува од Леванте

Најдобрата македонска фудбалерка Наташа Андонова по пет години заминува од Леванте. Таа ова лето ќе бара нов предизвик во кариерата.

После пет одлични години во шпанскиот клуб Леванте, Наташа Андонова одлучи дека е време за промена на средината. Таа одигра 140 официјални натпревари за Леванте и постигна 24 гола.

Андонова кариерата ја почна во Борец и Тиквешанка во македонското првенство, а на интернационалната сцена играше за Барселона, ПСЖ, Розенгард и Турбине Потсдам.