Најдобрата македонска фудбалерка, Наташа Андонова, ќе го носи дресот на шпанскиот прволигаш Леванте и во наредните две сезони. Таа денеска потпиша нов двегодишен договор со клубот од Валенсија.
Андонова е членка на Леванте од 2019 година каде пристигна од редовите на Барселона.
Пред да се пресели во Шпанија, Наташа Андонова настапуваше за ПСЖ, Розенгард и за Турбине Потсдам. Кариерата во Македонија ја почна во Тиквешанка, а потоа настапуваше и за Борец Велес.
