Италијанскиот калчолигаш Наполи по завршувањето на сезоната ќе го продаде одличниот дефанзивец, Калиду Кулибали, тврди „Газета дело спорт“. Раководството на клубот мора да пронајде излез од лошата финансиска ситуација, а Кулибали е најплатениот играч во тимот на Џенаро Гатузо, но и одлично котира на трансфер маркетот.
Вредноста на 29-годишниот Кулибали изнесува околу 50 милиони евра, иако пред една година Наполи за него одби и понуди од 70 милиони евра.
Манчестер Јунајтед, Евертон, Пари Сен Жермен се само дел од клубовите кои се заинтересирани за ангажманот на Кулибали.
