Најтрофејниот фудбалер на светот, Дани Алвеш, нема да се пензионира, туку ќе ја продолжи успешната кариера. По паузата од Сао Паоло, легендарниот Бразилец сака да остане во фудбалот за да биде во конкуренција за следното Светско првенство, а дури потоа планира повлекување.
Новиот клуб треба да биде Флуминенсе кој му испратил понуда, а во Бразил велат дека поранешниот фудбалер на Барселона ќе ја прифати.
Алвеш има 38 години, започна во Баија, но отиде во Европа многу рано. По Севилја, Барса, ПСЖ и Јувентус, тој се врати во татковината, но Сао Паоло не му понуди нов договор, иако ја освоија Паулиста.
Флуминенсе има помали амбиции, а веќе имаат неколку ветерани, како напаѓачот Фред, потоа Парагваецот Бобадиља, Уругваецот Абел Хернандез. Сигурно дека и Дани Алвеш би бил засилување за овој тим.
