Тренерот на Рома, Жозе Мурињо, сака на „Олимпико“ да го донесе дефанзивецот на Тотенхем, Ерик Даер. „Специјалниот“, кој пред извесно време беше на чело на Тотенхем сака да го ангажира овој фудбалер во јануари или на лето.
Даер веќе не е главен столб во играта на Тотенхем, со оглед дека менаџерот Анте Постекоглу претпочита да се потпира на други играчи во одбраната.
Според „Тутоспорт“, Мурињо е подготвен да му понуди спас далеку од Северен Лондон. Даер беше клучен играч за Тотенхем под водство на Португалецот, со 57 настапи помеѓу 2019 и 2021 година.
Рома се мачи од почетокот на оваа сезона, особено во одбраната и е десеттопласирана во Серија А.
Мурињо го гледа Даер како искусен играч кој ќе влезе директно во стартните единаесетмина и ќе ја стабилизира дефанзивната линија на тимот.
