Златан Ибрахимовиќ преговарал за продолжување на договорот во Милан без агентот Мино Раиола. „Росонерите“ потврдија дека Швеѓанецот потпишал нов договорот со клубот, што значи дека ќе остане во Милано и покрај тоа што во октоври ќе влезе во 40-тите години од животот.
Според “Скај Италија”, за новиот едногодишен договор, ветеранот не ги користел услугите на Раиола, туку разговарал лично со официјалните луѓе на Милан, Паоло Малдини, Фредерик Масара и Иван Газидис.
Освен Злaтан, Раиола раководи со уште двајца други фудбалери од моменталниот состав на клубот од “Сан Сиро”. Поради високите барања на италијанскиот агент околку платата на Алесио Ромањоли и Џанлуиџи Донарума, иднината на овие италијански репрезентативци, на кои им истекува договорот ова лето, останува неодлучена.
