Младите фудбалери не можеа до скалпот на Холандија

Младата фудбалска репрезентација на Македонија до 21 година загуби од фаворитот Холандија со 0-2 во вториот меч од новиот квалификациски циклус на ЕП. Избраниците на Драган Канатларовски по триумфот над Шведска на гости, не можеа да стигнат и до скалпот на „лалињата“.

Се држеа рамноправно три четвртини од мечот, но потоа сепак Холандија се наметна.

Ноа Охајо во 68.минута успеа да го отвори резултатот, а четири минути подоцна Кенет Тејлор од пенал го постави конечниот епилог.

Македонија ќе жали за пропуштените шанси на Лука Станковски, Ване Крстевски и Иван Николов.