Македонскиот репрезентативец Бојан Миовски имаше одлично деби за Абердин, откако постигна гол и забележа асистенција во триумфот од 3-0 против Раит во Лига-купот на Шкотска. Тој за клупската телевизија истакна дека дебито минало фантастично за него.
„Се подготвував сам три недели според програмата што ја добив од клубот. Конечно добив работна дозвола и дојдов тука пред три денa, среќен сум што дебитирав пред домашна публика. Секако, среќен што постигнав и гол, благодарен сум што ми дозволија да го изведам пеналот“, изјави меѓудругото Миовски.
