Дефанзивецот на Реал Мадрид, Едер Милитао, се здоби со мускулна повреда на десната нога на натпреварот на Бразил против Колумбија во квалификациите за Светското првенство 2022. 23-годишниот одбранбен фудбалер поради ова ќе ги пропушти следните два натпревари на „кралевите“.
Милитао нема да биде во тимот на Реал Мадрид на натпреварот против Шахтјор во Лигата на шампионите, а многу веројатно ќе го пропушти и „Ел Класико“.
Оваа сезона Милитао одигра осум натпревари во шпанското првенство. Реал Мадрид е лидер на табелата со 17 бода, колку што имаат и Атлетико Мадрид, односно Реал Сосиедад.
