Фудбалската репрезентација на Македонија утре ќе биде домаќин на Украина во квалификациите за ЕВРО 2024. Селекторот Благоја Милевски работеше со дел од фудбалерите од 2.јуни, но Алиоски и Адеми допатуваа пред два дена.
“Требаше да балансираме со дел од фудбалерите, мислам дека сме сепак подготвени за предизвикот. Не можеме сега да зборуваме за натпреварувачка форма, но таков е периодот и за двете селекции. Ги анализиравме Украинците, одлични се и индивидуално и како тим, но се надевам дека можеме да одговориме соодветно. Квалитет имаме, ќе треба да го покажеме тоа и на натпреварот”, изјави селекторот Милевски.
