Милан би можел да понуди готовина плус Јенс Хауге на Удинезе во замена за репрезентативниот играч за врска на Аргентина, Родриго Де Пол. Според „Газета дело спорт“, предлогот сигурно ќе ги заинтригира и Удинезе и играчот, особено ако “росонерите” се квалификуваат во Лигата на шампионите.
Тимот од Удине веќе го прифати фактот дека Де Пол е на излезните врати на “Дачија Арена”, па како резултат на тоа бара 40 милиони евра за негова продажба. Лидс Јунајтед на нашиот Алиоски, останува силен кандидат, додека Интер и Јувентус исто така се заинтересирани за доведување на еден од најистакнатите фудбалери во Серија А во последните неколку години.
Сега Милан се појавува како фаворит со вклучувањето на Норвежанецот како дел од трансферот со цел намалување на цената на вкупниот трансфер. Постојат и други играчи кои би можеле да заминат во спротивен правец, како Томасо Побега и Марко Брешанини.
