Ерменците се одлично расположени и максимално мотивирани. Најдобриот фудбалер на утрешниот ривал, Хенрик Мхитарјан, најавува дека Ерменија ќе атакува на триумф на арената „Тодор Проески“ во Скопје.
„Моите соиграчи направија големи нешта на првите три натпревари од групата. Се надевам дека и утре ќе одиграме на високо ниво и дека ќе славиме триумф. Ова е многу важен натпревар за нас и би сакал да се радуваме по него. Македонија ќе биде без Горан Пандев и тоа ќе биде многу важна разлика. Не знам како ќе реагира противникот, знам дека имате и нов селектор, но ние треба да го дадеме максимумот и да си го гледаме нашиот дел од работата“, изјави Хенрик Мхитарјан.
Натпреварот меѓу Македонија и Ерменија ќе се одигра утревечер (20.45 часот) на арената „Тодор Проески“ во Скопје.
