Англискиот репрезентативец Мејсон Маунт се подготвува за спектакуларен трансфер. Ќе остане во Премиер – лигата, но ќе го напушти Челси и ќе се пресели во Ливерпул. Ова би бил навистина изненадувачки развој на настаните за момчето кое израсна на „Стемфорд бриџ“.
Маунт е дете на Челси и во текот на неговиот развој беше на позајмица во Витесе и во Дерби Каунти, но по враќањето се етаблираше како еден од најдобрите играчи во составот на Челси. Сепак, извор близок до младиот играч за врска за англиските медиуми откри дека Маунт е несреќен во Челси и дека му е потребен чекор напред во кариерата.
22-годишниот играч од средниот ред е обврзан со договор со Челси до 2024 година. Јирген Клоп би сакал да го доведе на „Енфилд Роуд“, а Маунт сериозно размислува за промена на средината.
Еден таков трансфер се случи далечната 2013 година кога Даниел Стариџ се пресели од Челси во Ливерпул. Подоцна по истиот пат тргна и Доминик Соланке, но, сепак, заминувањето на Мејсон Маунт би направило голем потрес во Премиер – лигата.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski