Француската мегаѕвезда Килијан Мбапе на крајот сепак одлучи да потпише нов договор со Пари Сен Жермен и ќе остане во клубот и во наредните три сезони. Ќе добие неверојатни пари, бонус од фантастични 300 милиони евра само за потписот на договор, годишната плата ќе изнесува 60 милиони евра нето, а неговиот глас ќе се слуша и во изборот за нов тренер и за нови засилувања.
„Отсекогаш тврдев дека Париз е мојот дом и сакав да останам во овој клуб. Ви благодарам за поддршката“, изјави Мбапе, откако Насер Ал Келаифи му го предаде дресот на кој беше испишано неговото име и 2025 година.
