Килијан Мбапе беше двоен стрелец за Пари Сен Жермен на дуелот против Мец (1-3) од француското првенство, но пет минути пред крајот мораше принудно да биде заменет. Тој заработи повреда на бутниот мускул. Сепак, тренерот Маурисио Покетино се надева дека не е ништо сериозно.
„Тој доби удар во квадрицепсот и имаше мала болка. Реагиравме за да го заштитиме, се надевам дека не е ништо многу сериозно“, изјави Покетино по мечот против Мец.
Пари Сен Жермен в среда го пречекува Манчестер Сити на „Паркот на принцовите“ во првиот полуфинален натпревар од Лигата на шампионите.
