Голманот на Баерн Минхен, Мануел Нојер, повторно тренира. Ова се случи само две недели по операцијата на коленото на десната нога. Германскиот првак на својата веб-страница објави кратко видео на кое се гледа дел од активностите на капитенот.
Искусниот голман беше подложен на лекарска интервенција на 6 февруари. Се очекува 35-годишниот Нојер да се врати на терените најрано кон средината на март.
Во отсуство на германскиот репрезентативец, на голот на баварците застана Свен Улрих, кој во досегашниот дел од сезоната има примено осум гола на пет натпревари.
