Поранешните соиграчи од Ливерпул, Садио Мане и Мохамед Салах се меѓу десетте ѕвезди во потесниот избор за најдобар африкански фудбалер за 2022 година, објави Африканската фудбалска конфедерација (CAF).
Салах ја освои наградата во две последователни години во 2017 и 2018 година, а Мане ја доби во 2019 година. Изданијата во 2020 и 2021 година беа откажани поради пандемијата на коронавирус.
Мане минатиот месец се пресели во Баерн Минхен, додека Салах потпиша нов тригодишен договор и остана на „Енфилд“.
Друг кандидат за титулата е победникот од 2016 година, Ријад Махрез, капитенот на Алжир и крилен напаѓач на Манчестер Сити. Голманот на Сенегал и на Челси, Едуард Менди се надева дека ќе стане првиот голман кој ја освоил наградата по Мароко Езаки Баду во 1986 година.
Победникот ќе биде објавен на церемонијата во Рабат на 21 јули, откако својот глас ќе го дадат капитените и тренерите на африканските репрезентации, членовите на техничката комисија на CAF и избраните медиуми.
Номиниции за африкански фудбалер на годината
Ријад Марез (Манчестер Сити, Алжир)
Карл Токо Екамби (Олимпик Лион, Камерун)
Винсент Абубакар (Ал Насер, Камерун)
Себастијан Але (Ајакс/Борусија Дортмунд, Брегот на Слоновата Коска)
Мохамед Салах (Ливерпул, Египет)
Наби Кеита (Ливерпул, Гвинеја)
Ашраф Хакими (Пари Сен Жермен, Мароко)
Едуард Менди (Челзи, Сенегал)
Калиду Кулибали (Наполи, Сенегал)
Садио Мане (Ливерпул/Баерн Минхен, Сенегал)
