Англискиот премиерлигаш Манчестер Јунајтед мака мачи со стоперите. Познато е дека капитенот на тимот Хари Мегваер се соочува со критики од јавноста поради слабите игри, па речиси е сигурно дека „црвените ѓаволи“ ќе бараат нови решенија за одбраната.
Според англиските медиуми, голема желба на клубот од „Олд Трафорд“ е новата ѕвезда на Монако, Беноа Бадијашил.
Во 2020 година, Јунајтед испрати понуда до Монако за младиот стопер, понуди 22 милиони фунти, но „кнезовите“ тоа не го прифатија.
Оваа зима во игра за потписот на Бадијашил се вклучија Вест Хем и Њукасл, но трансферот не се реализираше, бидејќи клубовите понудија помалку од 30 милиони фунти.
Фудбалерот има договор со Монако до 2024 година, а клубот нема да го продаде за помалку од 40 милиони фунти.
