Англискиот премиерлигаш Манчестер Јунајтед ќе се обиде да го доведе српскиот напаѓач Душан Влаховиќ како замена за Кристијано Роналдо. Преговорите се веќе отпочнати.
Како што пренесува „Кориере дело спорт“, Душан Влаховиќ зимава ќе го напушти Јувентус поради тешката ситуација во која се најде торинскиот гигант.
Иако првично имаше најави дека Влаховиќ е блиску до Арсенал, сега во прв план дојде уште еден тим од Премиер – лигата. Манчестер Јунајтед е сериозно заинтересиран за српскиот репрезентативец.
По заминувањето на Кристијано Роналдо, на „црвените ѓаволи“ им е потребен играч со квалитетите на Влаховиќ.
Поранешниот член на Фиорентина постигна седум гола на 15 одиграни натпревари оваа сезона во Серија А.
