
Струга Трим Лум е најпријатното изненадување по првата полуетапа од Првата фудбалска лига, ако не ја сметаме Македонија ЃП, која веќе се етаблираше како еден од кандидатите и во трката за шампионската титула. Тимот на Срѓан Захариевски имаше одличен финиш, ги совлада Работнички (2-1) на домашен терен и Шкупи (1-2) на гости во Скопје и стигна до 28 бода, со кои котира многу високо, на четвртата позиција на табелата.
Претходно, Струга Трим Лум ремизираше (2-2) против Вардар и против Шкендија (1-1) на домашен терен, а единствениот пораз го забележа на гостувањето против Борец (2-1) во Велес.
Срѓан Захариевски успеа да изгради препознатлива игра на тимот, офанзивно, напаѓачки, на гол повеќе, а на таков начин доаѓаат и позитивните резултати. Тој го заслужи изборот за МАКФУДБАЛ – ТРЕНЕР на месецот.

-
ВАРДАР ПАК Е ПРВОЛИГАШ: Убедливо го победи Скопје во баражот (ВИДЕО)
Најтрофејниот македонски клуб Вардар се врати во Првата лига откако убедливо го победи ФК...
Автор makfudbal
-
МАКФУДБАЛ ТИМ НА СЕЗОНАТА 2022/23 ВО ПРВАТА ЛИГА
Струга ТЛ ја освои историската прва титула шампион на Македонија, откако излезе победник во...
Автор makfudbal