МАКФУДБАЛ ТИМ НА 29.КОЛО ВО ПРВАТА ЛИГА!

Шкендија е нов шампион, сосема заслужено може да се радува на четири кола пред крајот. Вардар е уште „жив“ откако ја победи Беласица, битката за опстанок ќе биде неверојатно возбудлива, но исто така и трката за третото место и излезот на европска сцена. Струга Трим Лум оствари неверојатен триумф во Ѓорче Петров (2-3) со фудбалер помалку.

МАКФУДБАЛ го издвои најдобриот тим за 29.коло во Првата фудбалска лига.

1. ДАВОР ТАЛЕСКИ (ПЕЛИСТЕР)
   Бранеше одлично, успеа со брилијантни одбрани да спаси и кога Ренова можеше да одбрани од белата точка. Со двојна одбрана ги спаси шутевите на Јашароски и на Мишевски.
2. МЕВЉАН МУРАТИ (ШКЕНДИЈА)
   Го најави пресвртот на Шкендија со израмнувачки гол и го трасираше патот кон победата за прослава на шампионската титула.
3. ВИКТОР ВЕЛКОСКИ (ВАРДАР)
   Еден од најискусните во овој тим на Вардар одигра квалитетен меч, спаси неколку ситуации во кои можеше да биде загрозено минималното водство на тимот против Беласица.
4. БЕСАРТ КРИВАЊЕВА (ШКУПИ)
   Беше на висина на задачата во одбраната на Шкупи во триумфот против Работнички.
5. ДАВИД МАНАСИЕВСКИ (СИЛЕКС)
   Младиот играч за врска на Силекс одигра одлично и беше стрелец на погодок во победата против Академија Пандев.
6. ВИКТОР КРСТЕВСКИ (ВАРДАР)
   Ги продолжи надежите на Вардар за опстанок во елитата со победнички погодок против Беласица.
7. ОМАР ГОУДИЈАБИ (ПЕЛИСТЕР)
   Незадржлив за одбраната на Ренова, на неверојатен начин ја наттрча противничката одбрана и го постигна победничкиот гол.
8. НЕМАЊА БОСАНЧИЌ (СТРУГА ТРИМ ЛУМ)
   Инспиратор на големиот триумф (2-3) на Струга Трим Лум во Ѓорче Петров. Постигна прекрасен гол од слободен удар.
9. БЕСАРТ ИБРАИМИ (ШКЕНДИЈА)
   Искусниот стрелец секогаш е на вистинското место кога на Шкендија и е потребен погодок. Тој постигна гол за пресврт против Борец и одигра одличен меч.
10. МАРЈАН АЛТИПАРМАКОВСКИ (СТРУГА ТРИМ ЛУМ)
    Ладен како шприцер при изведување на пеналите против Македонија ЃП. Реализираше двапати, вториот пат во 95.минута и донесе триумф за стружани.
11. ПЕПИ ЃОРГИЕВ (СИЛЕКС)
    Влезе во голгетерска форма и го води тимот на Силекс кон опстанок. Постигна два гола во триумфот (3-2) против Академија Пандев.

ТРЕНЕР НА КОЛОТО: СРЃАН ЗАХАРИЕВСКИ
Пронајде победничка формула за тимот на Струга Трим Лум на клучното гостување кај Македонија ЃП и го врати тимот во трката за третото место. Ниту хендикепот што стружани играа со фудбалер помалку не го спречи да го најде патот за голем триумф во Ѓорче Петров.