Македонија У21 ремизираше (1-1) против Кипар

Младата фудбалска репрезентација на Македонија до 21 година одигра 1-1 против домаќинот Кипар на првиот пријателски натпревар од мини-турнејата.

Избраниците на селекторот Драги Канатларовски може да жалат за пропуштената победа. Во 85. минути од мечот, Андреј Стојчевски имаше прилика да и донесе победа на Македонија, но не успеа да реализира удар од 11 метри.

Младите репрезентативци на Кипар дојдоа во водство со голот на Христодолу во 41.минута.

Македонија израмни во 66.минута со голот на Илиевски, откако претходно убаво му асистираше Тодоровски.

За пет дена, Македонија У21 ќе одигра пријателски натпревар и со Србија на Кипар.