Репрезентацијата на Македонија до 18 години забележа пораз од Словачка на првиот контролен дуел одигран помеѓу овие две селекции на градскиот стадион во Штип.
Избраниците на селекторот Тони Јакимовски беа убедливо поразени со 5-1. Селекцијата на Словачка одигра извонреден натпревар, во текот на сите 90 минути беше подобар противник и сосема заслужено се радуваше на убедлива победа.
Единствениот погодок за нашата репрезентација беше дело на Дино Михолов во 77. минута од средбата.
Втората контролна пресметка овие две репрезентации ќе ја одиграат на 19. ноември.
