Лионел Меси доби одмор на гостувањето на Интер Мајами кај Хјустон Динамо, но неговиот тим сепак славеше со 4-1, остварувајќи ја првата победа во сезоната во МЛС лигата.
Неговото отсуство го надополни Луис Суарез, кој одигра еден од своите најдобри натпревари откако е член на Интер Мајами. Уругваецот асистираше за првите три гола, а одличната партија ја круниса со погодок во 79. минута, три минути пред да го напушти теренот како убедливо најдобар играч.
Два од останатите три гола реализира Сеговија, а еден Аљенде. Меси не играше поради тоа што во следните десетина дена Интер Мајами има три натпревари, од кои два во КОНКАКАФ Лигата на шампионите и еден во МЛС лигата.
