Хрватска го освои бронзениот медал на СП победувајќи го Мароко со 2-1, a Дејан Ловрен предизвикал скандал во микс зоната. Ловрен навредил неколку хрватски новинари.
Сѐ започнало со тоа што Ловрен помина покрај новинарите без да даде изјава. Откако ја напуштил микс зоната, еден од новинарите се насмеал. Ловрен го слушнал и се вратил почнувајќи да навредува некои од новинарите, информираат хрватските медиуми.
„Не, вие не сте горди. Вие сте еден од ретките што не плукаше од почеток и не веруваше“, извика Ловрен, а кога новинарот му одговори дека не е вистина, хрватскиот стопер продолжи да вика:
„Еве и сега ме исмејуваш, смрдливец ниеден. Ти и овој господин. Не го снимивте тоа, нели?“, извика Ловрен.
„Не се однесувајте вулгарно, нема смисла да кажувате такви зборови пред 30 луѓе“, се обидоа да го смират Ловрен дел од новинарите.
„Па, тоа е вистината“, одговори фудбалерот.
