Ливерпул е заинтересиран за ѕвездата на Лацио, Сергеј Милинковиќ-Савиќ. 28-годишниот играч од средниот ред би можел да стане главна трансфер цел на „црвените“ бидејќи нивните шанси за потпис на Џуд Белингем изгледаат сè помали.
Токму поради оваа причина Ливерпул е заинтересиран за играчот од средниот ред на Лацио, пишува италијанскиот медиум „Калчомаркато“. Договорот на Србинот истекува следната сезона. Тој веќе осум години е дел од римските „орли“, но сѐ уште не го обновил договорот.
Италијанското издание тврди дека Лацио ќе прифати понуда од околу 50 милиони евра за Сергеј Милинковиќ-Савиќ за да избегне играчот од средниот ред да си замине како слободен играч следното лето, се разбира, доколку претходно не биде потпишан нов договор со играчот.
