Фудбалската репрезентација на Македонија на почетокот на јуни го започнува циклусот натпревари за новото издание од Лига на нации за сезоната 2022/2023. Нашата најдобра селекција предводена од Благоја Милевски се наоѓа во групата Ц каде што силите ќе ги одмери со репрезентациите на Бугарија, Грузија и на Гибралтар.
Првиот меч го играме на 2. јуни на гостински терен против репрезентацијата на Бугарија, на Хувефарма Арена во Разград. Ова е веќе и официјално потврдено.
Нашите фудбалери на 24. март ќе гостуваат во Палермо, во баражот против Италија за пласман на Светското првенство 2022 година што ќе се одржи во Катар.
КАЛЕНДАР ЗА ЛИГА НАЦИИ
2 јуни 2022. Бугарија – Македонија (20:45)
5 јуни 2022. Гибралтар – Македонија (18:00)
9 јуни 2022. Македонија – Грузија (20:45)
12 јуни 2022. Македонија – Гибралтар (18:00)
23 септември 2022. Грузија – Македонија (18:00)
26 септември 2022. Македонија – Бугарија (20:45)
