Каталонскиот гигант Барселона одигра одличен меч на стадионот „Диего Армандо Марадона“ и го совлада Наполи со 2-4, отворајќи си ја вратата од следната рунда во Лигата на Европа. По ремито (1-1) на „Камп Ноу“, тимот на Чави Хернандез дојде решен да победи и успеа тоа да го оствари.
Жорди Алба во осмата минута и Френки де Јонг во 13.минута го шокираа Наполи, а намали Лоренцо Инсиње од пенал во 23.минута. Сепак, Жерар Пике пред одморот ја врати предноста на два гола разлика.
Пјер-Емерик Обамејанг во 59.минута зголеми на 1-4, а вториот гол за Наполи беше дело на Матео Политано во завршницата.
Борусија Дортмунд не успеа да направи чудо по поразот дома (2-4) и одигра само 2-2 на гости кај Глазгов Ренџерс. Бетис и Зенит ремизираа без голови, а шпанскиот тим оди понатаму поради триумфот (2-3) на првиот меч.
Брага и Шериф Тираспол, тимот за кој настапува Бобан Николов, ќе играат продолженија, со оглед дека португалскиот претставник ја анулира предноста (2-0) од првиот дуел. Бобан Николов влезе во игра на почетокот на второто полувреме.
