Првенството на Македонија влегува во одлучувачка фаза. Нема веќе место за поправен испит, уште само три кола до крајот. Европските позиции се веќе запоседнати, одамна е јасна и шампионската одлука, но затоа врие во трката за опстанок.
Работнички дојде на само два бода од осмопласираниот Силекс и нема друг избор освен да победи на денешниот меч против Македонија ЃП.
„Дојдовме во опасната зона. Едноставно мора да победиме. Заборавивме да победуваме на домашен терен, време е…Македонија ЃП е квалитетен тим, бодовите исто така им се потребни, но ние сме во ситуација кога немаме друг избор. Само триумф е опција и фудбалерите тоа навистина добро го разбираат. Мораме да реагираме соодветно“, истакна шефот на стручниот штаб на Работнички, Баже Лазаревски.
Но, на „лавовите“ исто така им се потребни бодовите, иако сигурно многу размислуваат и за финалето на Купот.
Шкупи се надева дека може да излезе во Европа преку четвртата позиција, а Беласица победува ли победува, и повторно не знае дали ќе се извлече од бездната. Силекс во Кратово го пречекува Вардар, а бодовите многу повеќе му се потребни на домаќинот.
Ренова во Тетово ќе ги одмери силите со Академија Пандев. Во Кочани, ќе се сретнат идниот второлигаш Победа и стар-новиот шампион Шкендија.
ДВОЈКИ ПРВА ЛИГА, 34.КОЛО (16.30 ч.)
Скопје: РАБОТНИЧКИ – МАКЕДОНИЈА ЃП
Кратово: СИЛЕКС – ВАРДАР
Тетово: РЕНОВА – АКАДЕМИЈА ПАНДЕВ
Чаир: ШКУПИ – БЕЛАСИЦА
Кочани: ПОБЕДА – ШКЕНДИЈА
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski