![](https://makfudbal.mk/wp-content/uploads/2023/11/cavi-barselona-7.jpg)
Поразот од Џирона ја прели чашата во Барселона, а раководството на клубот за првпат покажа дека нема доверба во Чави Хернандез. Каталонските медиуми пишуваат дека имало сериозни поделби во односот во соблекувалната, но и меѓу Жоан Лапорта и Чави Хернандез.
Имено, Чави Хернандез вчера го објави списокот на патници за Белгија за гостување во Антверпен, каде ги изостави Илкај Гундоган, Роналд Араухо и Роберт Левандовски на кои им е многу потребен одмор. Но, тогаш се вмеша Лапорта и побара целиот тим да биде заедно, бидејќи планот е да остане во Белгија уште еден ден, за тимот повторно да се доближи и да ја анализира лошата ситуација.
Новинарот Хави Мигел, кој е исклучително близок со Чави, и речиси секогаш пишувал дека управата му дава максимална поддршка на тренерот, сега за првпат пишува дека ситуацијата е поинаква. Тој истакнува дека ова е првпат откако Чави е на клупата Лапорта да врши притисок на тренерската работа и да влијае на повикот на играчите мешајќи се во работата на стручниот штаб.
Членовите на УО на клубот се многу разочарани откако Чави повторно не презеде одговорност по поразот од Џирона, туку јавно кажа дека „Барса е во фаза на изградба и дека падовите се нормални и дека неговиот тим бил подобар“.
Многумина кои го следеа натпреварот не можеа да се сложат со тоа бидејќи Барселона беше инфериорна во однос на Џирона која покажа завидно ниво и тактички целосно го надигра тимот на Чави.
Што се однесува до играчите, извори откриваат дека поединци во соблекувалната се изненадени што медиумите ги напаѓаат само играчите, а не Чави, некои веруваат дека тие подобро ја знаат тактиката од својот тренер и дека тимот оди во погрешна насока. Ова донекаде го навести изјавата на Илкај Гундоган по поразот од Џирона.
„Тие се движеа многу добро, одлично се разбираат на теренот и знаеја каде и кога да трчаат. Џирона одигра одлично“, изјави Гундоган.
Се чини дека потенцијален кикс во наредниот период може да го чини Чави работа на клупата на Барселона. Осминафиналето во Лигата на шампионите е обезбедено, иако групата никогаш не била полесна.
![](https://makfudbal.mk/wp-content/uploads/2021/02/logo.jpg)
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
Ексклузивна колумна на Филип Лам: Фудбалот е богатство, различност, демократија, и може да ве направи бесмртен
ФУДБАЛОТ Е ЕВРОПСКА ИГРА Фудбал се игра насекаде низ светот, но Европа со сигурност...
Автор makfudbal
![](https://makfudbal.mk/wp-content/uploads/2024/04/kieza-juventus-3-80x80.jpg)
Евро-фудбал
Федерико Киеза пред трансфер во Тотенхем
![](https://makfudbal.mk/wp-content/uploads/2024/07/FB_IMG_1721988025736-80x80.jpg)
Интернационалци
Христијан Георгиевски се пресели во Словенија
![](https://makfudbal.mk/wp-content/uploads/2024/07/mikel-merino-spanija-80x80.jpg)
Евро-фудбал
Арсенал тргнува по Микел Мерино
![](https://makfudbal.mk/wp-content/uploads/2024/07/FB_IMG_1721988025736-80x80.jpg)
Интернационалци
Христијан Георгиевски се пресели во Словенија
![](https://makfudbal.mk/wp-content/uploads/2024/07/FB_IMG_1721922436581-80x80.jpg)