Ла Лига издаде официјално соопштение во кое истакна дека ќе го тужи ПСЖ кај УЕФА за наводно кршење на финансискиот фер-плеј при преговорите за продолжување на договорот со Килијан Мбапе.
Првиот човек, Хавиер Тебас, истакна дека Ла Лига ќе поведе судска борба.
Аргументот на Шпанците се темели на тоа што ПСЖ лани направил загуба од 300 милиони евра, а според некои информации само бонусот што Мбапе ќе го добие за потпишувањето на договорот изнесува околу 130 милиони евра.
Тебас рече дека тоа е „навреда за фудбалот“ и дека првиот човек на ПСЖ, Насер Ал-Хелаифи е „поопасен од Супер лигата“.
