Тренерот на Барселона, Роналд Куман, не го криеше задоволството по важната победа на неговиот тим на гости против Вилјареал.
„Ова е голем чекор кон титулата. Секоја победа е чекор напред. Секој натпревар е тежок. Добро реагиравме по примениот гол, создавајќи шанси. На крајот бевме уморни, но добро се браневме. Понекогаш треба добро да се испотиш. Противникот може да биде добар и да ви застане на патот. Не бевме нервозни по примениот гол. Отсекогаш сум имал респект кон Гризман. Тој работи на ефикасноста, а денеска беше клучен играч за камбекот. Ова му влева дополнителна самодоверба“, изјави Куман.
Атлетико Мадрид е лидер во Ла Лига со 73 бода, а Реал Мадрид и Барселона имаат по 71. „Кралевите“ имаат и еден одигран меч повеќе.
