Капитенот на лидерот Шкупи, Кристијан Наумовски, ќе се најде на списокот на селекторот Благоја Милевски за бараж – натпреварот против Италија во битката за пласман на Светското првенство. Тој брани во одлична форма и заслужи повик во националниот тим.
Наумовски ќе биде третиот голман на списокот, покрај Столе Димитриевски и Дамјан Шишковски.
Селекторот Милевски набрзо и официјално ќе го соопшти списокот на повикани фудбалери за мундијалскиот бараж.
Фудбалската репрезентација на Македонија на 24. март во Палермо ќе го предизвика европскиот првак Италија во полуфиналната пресметка од баражот за СП. Победникот од овој дуел ќе игра финален бараж против победникот од мечот Португалија – Турција.
