„Кралевите“ го победија Реал Сосиедад и продолжуваат со максимален ефект (ВИДЕО)

Реал Мадрид има максимален ефект и по пет кола во Ла Лига откако го совлада Реал Сосиедад со 2-1. Тимот на Карло Анчелоти успеа да направи пресврт и да стигне до триумф.

Гостите поведоа со 0-1 по само пет минути преку Баренечеа.

Реал Мадрид израмни на стартот до вториот дел, со голот на Валверде, а по асистенцијата на Фран Гарсија.

Фран Гарсија асистираше и за вториот гол на Реал, а стрелец беше Хоселу, кој со прецизен удар со глава донесе радост на „Сантијаго Бернабеу“.