Тотенхем го претрпе четвртиот пораз во последните пет натпревари, звучи неверојатно, но единствено го победи Манчестер Сити.
Барнли синоќа го победи Тотенхем со 1-0 и му направи голем удар за трката кон Лигата на шампионите, а Антонио Конте имаше што да каже по натпреварот.
„Дојдов да му помогнам на клубот и ако повторно има проблем со тренерот, подготвен сум да заминам. Не сум навикнат на оваа ситуација. Правам се што е во моја моќ, но се останува исто. На располагање му стојам на клубот да прави што сака, треба да анализираат дали сум за оваа работа“, започна Конте, но тоа не беше крајот.
„Ова е уште една тешка ноќ, но не е само оваа, ние загубивме четири од петте натпревари. Тоа значи дека клубот треба да испита дали сум вистинскиот човек за оваа работа. За мене е многу фрустрирачки да загубам четири од петте натпревари, едноставно тоа сум јас. Тоа никогаш не ми се случило. Посветувам 20 часа дневно на Тотенхем, другите четири спијам, но тоа не е доволно“, изјави Конте.
Италијанецот на некој начин навести можна разделба.
„Оваа ситуација е кристално чиста. Жал ми е за навивачите, бидејќи мислам дека не заслужуваат вакво нешто. Кога тимот губи четири од пет натпревари, тогаш клубот мора да преземе нешто, да го најде најдоброто решение. Клубот менува тренери, а играчите остануваат исти, резултатите не се менуваат, нешто не е во ред. Повторувам, премногу сум искрен само да ја свртам главата и да ја прифатам оваа ситуација. Сигурен сум дека ќе имам состанок со клубот затоа што повторувам, ова не е во ред, едноставно не е. Не е нормално да продолжиме да губиме, нема да го прифатам тоа, не е добро за никого. Можеби не сум доволно добар јас сакам да преземам одговорност, што значи дека сум подготвен за секоја можна одлука. Не му помагам на клубот, а дојдов за да го сторам токму тоа. Ако продолжиме вака, ќе се бориме за опстанок, се срамам да земам плата“, заклучи Конте.
