Во Вардар, еден викенд еуфорија, а веќе следниот – трагедија. Така е тоа во најтрофејниот клуб, емотивно се сфаќаат и победите и поразите.
После триумфот над Пелистер сѐ бее одлично, арно ама, следеше оставка на тренерот Горазд Михајлов, по што палката му беше доверена на Горан Петревски – Чунга, кој пред еден месец дојде во клубот, а претходно немаше работено во Првата лига – можеби и една деценија.
Вардар донесе неколку засилувања, но повеќето од нив досега и не покажуваат дека се засилувања.
По овие чудни потези, навивачката група „Комити“, која до почетокот на оваа сезона беше и во улога на раководство, а сега „некои други“ го презедоа раководењето, не е задоволна од резултатите.
Комитите порачаа – Рибата од главата смрди, последна опомена за управата!
Конечно, треба јавноста официјално да добие информации и кој е „главата“ сега во Вардар. Сѐ е затскриено, неофицијално и смрди на пури…
