Македонскиот репрезентативец Аријан Адеми заработи повреда на мускулот на вчерашниот меч од квалификациите во Лигата на шампионите меѓу Динамо Загреб и Омонија. Пред крајот на првото полувреме, Адеми падна на теренот без дуел и веднаш беше јасно дека се работи за повреда на мускулот. Мораше да ја напушти играта, на негово место влезе Јосип Мишиќ, а останаа главоболките за тренерот Дамир Крзнар колку долго ќе паузира Адеми.
Истите главоболки ќе ги има и новиот селектор на репрезентацијата на Македонија, Благоја Милевски. Во септември националниот тим го очекуваат квалификации за СП против Ерменија, Исланд и против Романија, а во октомври и мечевите против Лихтенштајн и против Германија.
Во текот на утрешниот ден, Аријан Адеми треба да замине на детални лекарски прегледи по што биде јасно за каква повреда станува збор и колкав период ќе треба да паузира.
