Тренерот на Атлетикo Мадрид, Диего Симеоне, се договорил со раководството на клубот следното лето капитенот Коке да добие одврзани раце во изборот на нова средина. Во клубот ќе се врати Саул од Челси кој е на позајмица во Лондон, а проценката е дека Коке не е на нивото на игрите кои го красеа во претходниот период.
Коке има договор со Атлетико Мадрид до летото 2024 година, а неговата моментална цена е дури 40 милиони евра.
Атлетико Мадрид не би имал ништо против да го позајми на една година со можност за откуп на договор, а таква солуција би прифатиле Милан и Јувентус, тврдат италијанските медиуми.
Коке е дете на Атлетико Мадрид и во клубот е од 2008 година.
