Шкупи доби европска лекција од Санта Клара, загуби со 0-3, а тренерот Гоце Седлоски не се одважи да се појави на задолжителната прес – конференција. Несфатливо, но во Шкупи има екстремни ситуации при победи и при порази.
Кога се победува, тогаш имa еуфорија, а кога ќе се загуби – летаат и глави. Ќе „преживее“ ли Седлоски по овој убедлив пораз од Санта Клара?!
За разлика од него, тренерот на гостите, Даниел Рамос, истакна дека повеќе очекувал од Шкупи.
„Среќни сме, остваривме голема победа. Им честитам на фудбалерите за изданието, но им напоменав дека очекувам подеднакво одговорно да одиграат и во реваншот. Обезбедивме голема предност, но има и реванш. Можеби повеќе очекувавме од Шкупи како ривал, но нема да ги потцениме ниту во реваншот“, изјави тренерот на Санта Клара.
