Каланоски и Стојанов заминуваат од Гостивар

Новиот македонски прволигаш Гостивар во новата сезона ќе биде без еден од најдобрите играчи Антонио Каланоски, како и без дефанзивецот Дарко Стојанов. Тие не се договорија со раководството на клубот за нова соработка и ќе си побараат нова средина.

Со оглед дека доаѓаат од второлигашка конкуренција, речиси сите фудбалери на Гостивар имаат аматерски договори, па согласно тоа и ќе треба да водат нови разговори со клубот за продолжување на соработката и склучување на професионален ангажман. Но, сега и конкуренцијата е многу поголема, па дел од фудбалерите имаат и понуди од други клубови.