Италијанскиот калчолигаш Јувентус остана без играчот од средниот ред, Денис Закарија, во наредните два или три натпревари. Тој утрово помина детални лекарски прегледи и доби совети да одмори во наредните две седмици.
Швајцарскиот интернационалец заработи повреда на мускулот при победата на тимот над Емполи во саботата. Првите најави беа дека тој би можел да остане надвор од игра и неколку недели. Сепак, состојбата и не е толку лоша.
Утрово Закарија е снимен како го напушта клупскиот медицински центар. Следниот натпревар на Јувентус е в среда навечер против Фиорентина во првата полуфинална пресметка за Купот на Италија.
